منتديات السحيلي

عزيزي الزائر / عزيزتي الزائرة يا اخو
.. وين عطنا وجه . شكلك مضيع
سجل في المنتدى ..ولا يكثر .. طيب
واذا ما تبغى اطلع برى


سنتشرف بتسجيلك
شكرا
ادارة المنتدي

منتديات السحيلي

منتديات السحيلي
 
الرئيسيةالبوابة*س .و .جبحـثالأعضاءالمجموعاتالتسجيلدخول

شاطر | 
 

 صور تموت ضحك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Lizard
Admin
avatar

عدد المساهمات : 221
نقاط : 425
السٌّمعَة : 0
تاريخ التسجيل : 04/04/2009
العمر : 25
الموقع : في القلب

مُساهمةموضوع: صور تموت ضحك   2009-06-24, 22:36

اجل تقولون لي هايلوكس يا اهل القصيم ومستانسين عليهن تغبير وتلميع
وهذولا يحول ما عندهم هلي

السلاح من ايام مبطي ما يقدر يشيله الا اثنين من طوله
الظاهر كانوا اذا خلصت ذخيرتهم يركض يركض ويطعنه باللي قدامه

هالصورة اهداء لي ولكل خريج حاسب علشان يكبر الوسادة وياخذ له فترة راحة
خصوصا بعد ما هبلوا بنا بالبرمجة واللخبطة خلونا على الاقل ننام وحنا مافيه اي شي
معلق او مهنق بمخنا

تعرفون الخوف احيانا يخليك تسوي اشياء ما تتوقع انك تسويه ولا تحلم
هالحيوان ما ادري وش هو هاج منه بس الاكيد ان الخوف خلاهـ يمشي على الماء

وشلون تخلي الزباين يشترون بدون مايحس
اضحك له وعطه ابتسامة يشتري وهو مستانس ويسحب كل الكمية اللي عندك

حللتم اهلا ووطئتم سهلا
احس انه يقول تعال قرب وش فيك خايف وموقف بعيد قرب يا ولد قرب شوي خلنا نسولف

ما يقهرك بالمواقف الا اللي يوقف مثل تسذا
طيب وشوله نحط لك خط بالارض بس بعض الناس الا يثبت لك انه مايعرف يسوق ولا يعرف النظام

اذا توهق الفلاح بالحليب ولا لقى احد ياخذه منه او يشريه
ماله الا عملية التكرير وهذي اسرع طريقة للتكرير

قالوا لنا فيه مباراة اليوم بس ما جاء احد ليش ؟؟

هالشعب ذولا مايخلون الزبرقة والتظبيط والدندشة بأي شي يطيح بإيديهم
بس هالمسيكين ما لقى موتر وقال ابدع بهالسيكل

لما تطلع من دوامك بعز الحر والظهر وتصير الأول عند الاشارة تتحكم بالناس اللي وراك
تدور لو حتى طرف ظلال .. لو حتى ظل ماصورة الاشارة بس علشان ماتعميك الشمس
وعادي تلقى واحد موقف عن الاشارة كيلو .. لاتحسبونه علشان ما يوقف على ممر عبور المشاة
لا .. علشان الظل

صز لا قالوا هلا بالهمر .. مدرعة وهمر وهيبة

متعوووب عليها هالرسمة
اول ما شفتها حسبتها زحليقة صز
طلعت اعلان بسيط ورايق بفكرته

اذا فيك خير اتحداك تطلع من هالمكان
وحتى تتأدب ما تخالف المرة الثانية

من كثر ما اشوف العالم طابين في النت هالايام ومن كثر ما صارت القعدة كلها طقطقة
شكلنا بالاخير نبي نسوي تسذا
عاد تصدقون والله انها فكرة مهبولة شكلي بأسويها

ليش حنا ما يرضينا اي شي ودايم اذا جلسنا على العشاء نشوف في صحون غيرنا
ولا يعجبنا الا اللي مع غيرنا

تتوقعون لو هاللمبة بغرفتي اني بأنام بالليل
الظاهر اني باقعد اهوجس به متى يقدر هالخبل ذا يفصل اللمبة عن الكهرب ويروح علي الليل ما دريت

ياما وياما سمعت من الشلة وهم يسوقون انه انطلق بهم كفر وسبقهم
طبعا اتكلم عن سيارات صغيرة
بس انه ينطلق كفر من قلابي ويسبقك وانت تشوف مشكلة

هالصورة للي جاب لنا ماك ( فراخ ) المرة اللي راحت
اجل جايبها مكتوبة
انا اجيبه لك طبيعية وانت بكيفك تصرف معه

الظاهر ماهم لاقينه الا لحم مفروم
الا ما ادري وش لون تغمض عيونه وينام .. او اذا قرب القطار يقومه هز الحديد

المرة اللي راحت وريتكم الميزان حق انتظار الباص
طيب احيانا تجي لموقف الباصات تحسب ما فيه الا انت بس
واذا جيت تبي تجلس تشوف فيه ناس وتنهبل ان اللي على الجنب صورة احترافية

ما بقى الا مكان السواق بس ... والباقي صار عفش





احيانا يمر عليك وجه تقول وين انا شايفه او اني مشبهـ(ـن) عليه
وبالاخير تكتشف انه مثل خشة سيارته

طلعوا لنا الفروقات بهالخبول ذولا
شكيت ان الصورة مركبة بس طلعوا يختلفون عن بعض

كل واحد وصنارته .. وكل واحد ومكانه .. وكل واحد وكرسيه
قال كرسيه قال .. وين هالكرسي بس ابي اعرف







اما لو يشوفون هالسباكين هالحركة
كان انواع الحوادث بديرتنا
ما سلمنا من سلالمهم وهن فوق السيارات ما بقى الا يجرجرونهن وراهم

ابو الشباب مريح نفسه وحاجز الكرسي اللي ورا باخر شي

الجوع كافر
اجل قاعدات يتحرونه يفتح من الساعة 3 الصبح <<< علم نفسك الساعة 2 الفجر تطبخون مكرونه

دعاية مهبولة

ياجماعة الربع وخروا عني شي خلون انااام
وقفوا تصوير الله يرحم والديكم

وبعد ما انبسطنا مع بعض
جاء وقت التوديع وعساهن هالمرة اعجبنكم المنوعات
وانصحكم بأكل التفاح لأنه مفيد للصحة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al-sohali.yoo7.com
دلوعه

avatar

عدد المساهمات : 8
نقاط : 8
السٌّمعَة : 5
تاريخ التسجيل : 06/11/2010

مُساهمةموضوع: رد: صور تموت ضحك   2010-11-06, 05:22

ههههههههههههههههههه صراحه حلوه بس الكلام سمول مرررررررررررررره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صور تموت ضحك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات السحيلي :: الصور والفيديو :: صـــــــــور-
انتقل الى: