Lizard Admin
عدد المساهمات : 221 نقاط : 425 السٌّمعَة : 0 تاريخ التسجيل : 04/04/2009 العمر : 31 الموقع : في القلب
| موضوع: عيوني حزينة 2009-04-19, 12:51 | |
| (عيونـي حزينـه) والشتـا ينتظـر عالبـاب وانا مامعـي حاجـه سـوى دفتـر احزانـي اكتب على سطـر ..وسطـر تكتبـه الاسبـاب واذا آمـداك تجمعهـا .. بتوصـل لعنـوانـي في سكـة المنفـى / علـى شارعيـن غيـاب عنـد الخريـف /هنـاك/ فـتـش وتلقـانـي واقف .. وحولـي جملـة اشبـاح دون ثيـاب الى شفت وجه الزيف !! تعرف مـن الجانـي وين الدفا..؟ والخـوف كشـر عـن الانيـاب كنـه تـرك هالكـون واقبـل علـى شـانـي تلفـت خفوقـي وانكسـر والدمـوع احبـاب وليـل المدينـه بالشقـا يـعـزف الحـانـي هنا صارت الغربـه ..هنـا كـم دفنت/عتـاب هنـا كسـروا اللوحـه !! وعبثـوا بالـوانـي هنا حلمـي الناصـع تلـوث وجل..وارتـاب هنا طاحت الورده .. هنـا مـت مـن ثانـي هنا كنت انادي بالوهـم.. والجمـوع اغـراب هنـا كنـت بلحالـي .. ولاحولـي اخـوانـي آآحـس بالبـرد وجفـا الوقت..وقـلـب ٍ ذاب وآآحـس بـان الصبـر مـاعـاد بامكـانـي تتثـاوب الكلمـه .. ويغفـى جفـن واهـداب ولاجيـت ابنـطـق مايطاوعـنـي لسـانـي طال المدى( والتين) يشكـي علـى (العنـاب) وانـا اشكـي جفـا ربعـي ونكـران خلانـي تهاوت مسا البـارح علـى صفحتيـن كتـاب حروف الهجـا وحاولـت ارتـب ولا آمدانـي جروحي مسافة شـك فـوق الوجـع تنسـاب تدور طريـق المـوت .. والـوازع انسانـي يعني لزمـان الصمـت ماخـذت اي حسـاب لين ا خ ت ن ق ت وضقت .. والضيق ..بكاني ياذنـب غفرانـك سحابـة خـفـوق ٍ تــاب تغسـل عبـث دنيـاي وتــداوي اشجـانـي ولاغبت وعيونـي .. بهـا نظـرة استغـراب فـبـرد الشتـا معـذور .. لاقفـى وخلانـي | |
|